Plantun de Prouvènço

Pèr coumpara dos planto d'encò nostre

Lilium martagon & Seseli annuum subsp. carvifolium

Lilium martagon

Liliaceae

Noms en français : Lis martagon, Racine d'Or.

Descripcioun :
Tras que poulido planto de nòsti mountagno que pòu flouri fin qu'à mai de 2500m d'auturo. Se recounèis evidentamen à si gròssi flour roujo picoutado e à si fueio verticilado pèr 5 e mai.

Usanço :
La cabosso èro manjado li tèms de carestié. A l'ouro d'aro soun li senglié que se n'en cargon alor que li cabróu esbrouton li fueio. Lou martagoun èi vertuous contro lou mau d'os, es un remoulissènt di car. Evidentamen lou fau pas acampa qu'es uno planto urousamen proutegido.

Port : Grando erbo
Taio : 50 à 150 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Lilium
Famiho : Liliaceae

Ordre : Liliales

Coulour de la flour : Roso
Petalo : 6
Ø (o loungour) flour : 25 à 40 mm
Flourido : Printèms - Estiéu

Sòu : Ca
Autour basso e auto : 200 à 2200 m
Aparado : Vo
Jun à juliet

Liò : Prado umido - Melounié - Faio - Prado à rousèu
Estànci : Subremediterran à Subaupen
Couroulougi : Bourealo
Ref. sc. : Lilium martagon L., 1753

Grand-juvert(-de-l'an)

Seseli annuum subsp. carvifolium

Apiaceae Umbelliferae

Noms en français : Séséli à feuilles de carvi, Séséli annuel.

Descripcioun :
Aquéu grand-juvert dóu gènre Seseli èi pas gaire coumun, e se rescontro soulamen dins li relarg mountagnous. Se destrìo dis àutris Seseli bonodi lou noumbre de rai de si brout (oumbello) qu'èi bèn mai impourtant (12 à 18), à sa cambo que fai pas de zigue-zague, à si bratèio qu'an un marjo escariouso e peréu à si fueio que dounon d'èr à-n-aquéli dóu càrvi.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : (0,2)0,3 à 0,6(1) m
Fueio : alterno
Tipe bioulougico : Teroufite
Cicle bioulougico : Renadivo mounoucarpico

Gènre : Seseli
Famiho : Apiaceae
Famiho classico : Umbelliferae

Ordre : Apiales

Coulour de la flour : Blanco
Petalo : 5
Ø (o loungour) enflourejado : 3 à 6 cm
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Tepiero seco - Roucas - Roucaio - Basso mountagno
Estànci : Subremediterran à Subaupen
Couroulougi : Ouroufito-Ouèst-Aupenco
Ref. sc. : Seseli annuum subsp. carvifolium (Vill.) P.Fourn., 1937

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Lilium martagon & Seseli annuum subsp. carvifolium

ges

Coumpara Martagoun emé uno autro planto

Coumpara Grand-juvert(-de-l'an) emé uno autro planto